“ГЭР БҮЛИЙН АЗ ЖАРГАЛ-АМЖИЛТЫН ҮНДЭС” ЗӨВЛӨГӨӨН
Олон улсын гэр бүлийн өдрийг угтаж Дархан-Уул аймаг дахь Цагдаагийн газраас алба хаагчид, тэдний гэр бүлийн гишүүдийг хамруулан "Гэр бүлийн аз жаргал-амжилтын үндэс" зөвлөгөөнийг 2018.05.13-ны өдөр зохион байгууллаа.
Гэр бүлийн гишүүдийн харилцан ойлголцол, хамтын ажиллагааг сайжруулах, гэр бүлийн харилцаанд амьдралын зөв хэвшил, эерэг нөлөөллийг төлөвшүүлж, санал хүсэлтийг сонсож, тулгамдаж буй асуудлыг шийдвэрлэхэд зөвлөгөөний гол зорилго оршлоо.
Зөвлөгөөнд оролцогч 210 алба хаагч, гэр бүлийнхэнд "Хүүхэд хүмүүжүүлэх эерэг арга", “Цагдаагийн алба хаагчдын эрх зүйн байдал, бусад төрийн алба хаагчдаас ялгагдах онцлог, ажлын үнэлэмж” зэрэг сэдвээр сургалт зохион байгуулж, хөгжөөнт тоглоом, урлаг соёлын арга хэмжээ, чөлөөт ярилцлагын үйл ажиллагаануудаар өрнөж амжилттай зохион байгуулагдлаа.