Шинэчлэн батлагдсан Цагдаагийн албаны тухай хууль болон бусад хууль тогтоомжийн талаарх мэдээлэл олгох зорилгоор орон нутгийн төрийн захиргааны байгууллагын мэргэжилтнүүд, цагдаагийн газрын бие бүрэлдэхүүнийг хамруулан 2017 оны 05 дугаар сарын 04-06-ны өдрүүдэд Цагдаагийн газрын хурлын заал болон аймгийн Гэр бүл, хүүхэд залуучуудын хөгжлийн хэлтсийн сургалтын танхимд зохион байгууллаа. Сургагч багш, цагдаагийн хошууч Л.Ганшагай, цагдаагийн ахмад Г.Мэндбаяр нар “Цагдаагийн албаны тухай хуулийн үзэл баримтлал, агуулга, танилцуулга”, “Дотоодын цэргийн тухай хуулийн үзэл баримтлал, агуулга, танилцуулга”, “Шүүх, шүүгчийн аюулгүй байдлыг хангахад анхаарах асуудал”, “Гэрч, хохирогчийг хамгаалах тухай хууль, цагдаагийн байгууллагаас хуулийн хэрэгжилтийг хангахад анхаарах асуудал” “Монгол Улсын Ерөнхийлөгчийн ээлжит сонгууль болохтой холбогдуулан аргачилсан зөвлөмж, зааварчилга өгөх”, “Гэр бүлийн хүчирхийлэлтэй тэмцэх тухай хуулийн үзэл баримтлал, танилцуулга, агуулга” сэдэвт сургалтуудыг зохион байгуулж, дадлага ажлыг багаар ажиллуулан, үр дүнг тооцлоо.