/
/
“ЖИ-ТАЙМ КОРПОРЕЙШН” ХХК-ИЙН УДИРДЛАГУУДАД ЦАГДААГИЙН БАЙГУУЛЛАГА ЭРҮҮГИЙН ХЭРЭГ ҮҮСГЭН ШАЛГАЖ БАЙНА.
Бүгд Найрамдах Казахстан улсын иргэн Маженов Марат нь “Жи-Тайм корпорейшн” компанийг байгуулж, Монгол Улсын аж ахуйн нэгжийн үйл ажиллагааны тусгай зөвшөөрлийн тухай хуулийн 8 дугаар зүйлийн 8.1.4 дэх хэсэгт зааснаар “Олон шатлалт маркетинг буюу пирамид тогтолцооны замаар хууран мэхэлж ашиг хонжоо олох хориглосон үйл ажиллагаа явуулж, Монгол Улсын иргэдийг элсүүлэн онц их хэмжээний мөнгө залилан авсан асуудалд ЦЕГ-н Мөрдөн байцаах албаны Залилах, Хөрөнгө завших гэмт хэрэг мөрдөх хэлтэст эрүүгийн хэрэг үүсгэн мөрдөн байцаалтын ажиллагаа явуулж байна. Иймд “Жи-Тайм корпорейшн” компанийн хууль бус ажиллагаанд өртөж хохирсон иргэд Дархан-Уул аймаг дахь Цагдаагийн газарт өргөдөл гарган хандана уу.
