Сар шиний золголт
Тийн унжлагат хэмээх шороон нохой жилийн сар шинийн золголтоо өндөр настан ахмадууд болон Цагдаагийн газрын нийт бие бүрэлдэхүүнийг хамруулан 2018.02.19-ны өдөр зохион байгууллаа. Тус арга хэмжээнд Залуучууд театрын уран бүтээлчид ая дууны мялаалга өргөж, “Үржин сан Аг Чойлин” хийдийн лам нар ном айлдсан. Монголын уламжлалт “Цагаан сар”-ын баяраар үндэсний дээл хувцсаа иж бүрэн өмсөж монгол ёс заншлаа залуу хойч үедээ өвлүүлэн үлдээх, монгол бахархлыг сурталчилах зорилгоор хамгийн сайхан монгол дээлээр гоёсон алба хаагчдыг шалгаруулах уралдаанд Нийтийн хэв журам хамгаалах тасгийн дарга, цагдаагийн дэд хурандаа С.Сүхбаатар, хэсгийн байцаагч, цагдаагийн ахмад Б.Энххүслэн нар шалгарлаа.